Masayang Kasama Sila (Mga Kapatid)

By: Angelo bilang YAPAK Leader (Scholar) 

Nag-start po akong pumunta sa 2KK noong ako’y grade 2 student palang. Sa pagtungtong ko ng Grade 5, naging isa ako sa mga scholars ng 2KK. Bagaman maraming nangyari bago ako makapasok dahil sa pagkakaroon ko dati ng sponsor, natuwa pa rin po ako dahil sa huli ay tinanggap pa rin nila ako.

Sa pagsisimula ko ng pagiging scholar ng 2KK, marami po akong naging masasayang araw. Dagdag pa ditto ang mga bagong kaibigan at mga Ate at Kuya na nagiging kasabay at kaagapay namin sa paglaki.

---

Sa 2KK ay nag-enjoy ko ng sobra ang buhay ko. Mas nakukuha ko nang ngumiti ng mas madalas kahit minsan ay naaalala ko ang aking ina na hindi ko kapiling ngayon.

Ako nga pala si Mark Angelo o “Kuya Angelo”.

Ang pagiging scholar ko ay nagbukas sa akin ng mga karanasan na hindi ko akalain na mararanasan ko katulad ng pagpunta sa Enchanted Kingdom at iba pa.

---

Pangarap ko pong maging seaman para sa aking kinabukasan at para sa aking pamilya. Nais kong makarating sa Korea at malibot ito kasama ang mga taong espesyal sa buhay ko. Gusto kong matupad ito at alam kong possible ang lahat dahil sa mga tao handang sumuporta at gumabay sa akin.

Ang aking mga co-scholars, mga Ate at mga Kuya ang lagi rin nagpapaalala sa amin ng mga pagpapahalaga na dapat naming isabuhay sa araw-araw; mahalin ang kapwa, magdasal palagi, sundin ang magulang, mag-aral ng mabuti at mahalin ang bayan.

Dito sa pamilya sa 2KK ko natutunan na ang isang bagay ay lalago kapag inalagaan at minahal mo ito. Sabi nga po sa linya ni Mother Teresa, do small things with great love. Pagmamahal, pangarap,sipag at tyaga ang kailangan para makamit ang iyong mithi.