Tunay na Halaga ng Edukasyon

By: Clarisse Bonghanoy Natabio

“Ang 2KK Tulong sa Kapwa Kapatid Foundation ang nagmulat sa akin sa realidad na hindi biro ang mga ng sakripisyo ng mga magulang ko at ng mga taong gustong tumulong sa akin.”

Ako si Clarisse, labing-siyam na taong gulang at nasa unang antas sa kursong Bachelor of Science in Tourism sa Institute of Creative Computer Technology (ICCT). Mahigit dalawang taon na akong iskoloar ng 2KK Tulong sa Kapwa Kapatid Foundation. Sa dalawang taong iyon, masasabi kong marami akong natutunan na mga bagay na akala ko dati ay hindi importante.

---

Dahil sa pagiging iskolar ko, mas lalo kong minahal ang pag-aaral at mas lalo kong binigyan ng importansya ang lahat. Ang 2KK Tulong sa Kapwa Kapatid Foundation ang nagmulat sa akin sa realidad na hindi biro ang mga sakrispisyo ng mga magulang ko at ng mga taong gustong tumulong sa akin. Napupursigi akong mag-aral para ipakita sa kanilang lahat na hindi sayang ang mga tulong na binibigay nila. Ito ang paraan ko para maipakita sa kanilang lahat ang pasasalamat ko.

Mataas at matayong ang gusto kong marating sa buhay. Mataas ang mga pangarap na gusto kong matupad at alam kong malapit ko ng marating iyon.

---

Kaya sobra ang pasasalamat ko na naging iskolar ako ng 2KK Tulong sa Kapwa Kapatid Foundation, dahil ‘di lamang sila nagbibigay ng kaalaman sa amin. Nagbibigay din sila ng kasiyahan at kabuluhan sa buhay namin, sa pamamagitan ng opotunidad na makapagturo sa mga bata.

Kayo mga Ate and Kuya ang tunay na inspirasyon para sa amin. Kayo ang patuloy na nagsasabi sa aming huwag lang kaming mangarap para sa sarili namin, at tuparin din naming ang lahat ng mitihin naming para sa pamilya naming at ng mga taong matutulungan pa namin.